ကျောက်ဖြူအထူးစီးပွားရေးဇုန် စီမံခန့်ခွဲမှုကော်မတီနှင့် တင်ဒါခေါ်ယူရေးနှင့် စိစစ်ရွေးချယ်ရေးအဖွဲ့တို့၏ ကျောက်ဖြူအထူးစီးပွားရေးဇုန်အတွင်း စက်မှုဇုန်၊ ရေနက်ဆိပ်ကမ်း၊ အဆင့်မြင့်အိမ်ယာစီမံကိန်းတို့နှင့် စပ်လျဉ်းသည့် သတင်းထုတ်ပြန်ချက်

၁။     မြန်မာနိုင်ငံတွင် အထူးစီးပွားရေးဇုန် နေရာ (၃)ခုရှိသည့်အနက် (၁)ခုဖြစ်သည့် ကျောက်ဖြူအထူးစီးပွားရေးဇုန်ကို အောင်မြင်စွာအကောင်အထည်ဖော်တည် ဆောက်ရန်အတွက် ပထမအဆင့်အနေနှင့် အထူးစီးပွားရေးဇုန်ဥပဒေ (၂၀၁၄) တွင် ပြဌာန်းထားသည့်အတိုင်း အထူးစီးပွားရေးဇုန်တည်ထောင်ခြင်းနှင့် နယ်နိမိတ်သတ် မှတ်ခြင်း အဆင့်ဆင့်ကို  ၊ ၂၀၁၅ နိုဝင်ဘာလ (၁၆)ရက်နေ့တွင် စတင် ကျင်းပသည့် (၁၃) ကြိမ်မြောက် ပြည်ထောင်စုလွှတ်တော် ပုံမှန်အစည်းအဝေးသို့ အတည်ပြုချက် ရယူရန် တင်ပြခဲ့ရာ အစည်းအဝေး(၂၁)ရက် မြောက်နေ့  (၂၀၁၅ ဒီဇင်ဘာ ၂၉ ရက်) တွင် အတည်ပြုချက်ရရှိခဲ့ပါသည်။

၂။     တချိန်တည်းတွင် တင်ဒါစိစစ်ရေးနှင့် ရွေးချယ်ရေးကော်မတီ (BEAC) သည် နိုင်ငံတကာ အိတ်ဖွင့်တင်ဒါစနစ်ဖြင့် အထူးစီးပွားရေးဇုန် ရင်းနှီးတည်ဆောက် မည့်သူများ (Developer) အား ပွင့်လင်းစွာခေါ်ယူခဲ့ပြီး၊ တင်ဒါစည်းမျဉ်း စည်းကမ်း နှင့် ညီညွတ်စွာတင်ပြလာသော အဖွဲ့အစည်း (၂၀)ကျော်အနက် ဦးစွာရွေးချယ်ခံရသော အဖွဲ့အစည်း (၁၀)ခုအား တွေ့ဆုံစိစစ်မေးမြန်းမှုများ အဆင့်ဆင့်ပြုလုပ်ခဲ့ပြီးမှ ရေနက်ဆိပ်ကမ်းစီမံကိန်းအတွက် အဖွဲ့အစည်း (၃)ဖွဲ့၊ စက်မှုဇုန်စီမံကိန်းအတွက် အဖွဲ့အစည်း(၁) ဖွဲ့နှင့် အဆင့်မြင့်အိမ်ယာစီမံကိန်းအတွက် အဖွဲ့အစည်း (၁)ဖွဲ့ ဆန်ခါ တင်ရွေးချယ်ခဲ့ကြပါသည်။ ယင်းတို့အနက်  တင်ဒါလိုအပ်ချက်နှင့် အကိုက်ညီဆုံး ဖြစ်သည့် ရေနက်ဆိပ်ကမ်းစီမံကိန်းအတွက် CITIC Consortium−I နှင့် စက်မှုဇုန်စီမံကိန်းအတွက် CITIC Consortium- II  တို့ကို အပြီးသတ်ရွေးချယ်ခဲ့ပြီး အဆင့်မြင့်အိမ်ယာစီမံကိန်းအတွက်မူ  တင်ဒါလိုအပ်ချက်နှင့် ကိုက်ညီမှုမရှိသည့် အတွက် ပယ်ဖျက်ခဲ့ပါသည်။

၃။     ဆက်လက်၍ ဒုတိယအဆင့်လုပ်ငန်းစဉ်အနေနှင့် စီမံကိန်းတစ်ခုချင်း အလိုက် တင်ဒါရွေးချယ်ခံရသော နိုင်ငံခြားရင်းနှီးတည်ဆောက်သူ CITIC Consortium နှင့်အတူ ပူးတွဲတာဝန်ယူဆောင်ရွက်မည့် နိုင်ငံသားရင်းနှီးတည် ဆောက်သူများ၊ သက်ဆိုင်သောအစိုးရဝန်ကြီးဌာနများတို့သည် လိုအပ်သော အသေး စိတ်ညှိနှိုင်းမှုများကို ရှေ့ဆက်လက်ပြီး စာချုပ်များချုပ်ဆိုရန် ရှိပါသည်။ ယင်းစာချုပ် များကိုလည်း အထူးစီးပွားရေးဇုန်ဥပဒေ (၂၀၁၄)၊ နည်းဥပဒေများနှင့်အညီ စီမံခန့်ခွဲမှုကော်မတီ ဗဟိုလုပ်ငန်းအဖွဲ့၊ ဗဟိုအဖွဲ့တို့က အဆင့်ဆင့် စိစစ်အတည်ပြုပေးရ ဦးမည်ဖြစ်ပါကြောင်း အသိပေးကြေငြာအပ်ပါသည်။

Untitled-3 10649913_726130774189580_4863259435885235219_n

 

Comments are closed.